遺忘了的哥本哈根

翻開小說卻巧遇哥本哈根地圖，才發現那趟旅程早已忘的八八九九，才發現快有三年。

試回想到過哪些地方，竟要找出舊照才有點印象。
試回想最常用的交通工具，只想起一張用剩的車票，好像巴士地鐵通行。但......有地鐵嗎？@@

要數沒有記載而還記得的，大抵有......
很多水，很多大大小小的橋。
很貴很好吃但吃不飽的一餐，自己挑菜很有趣。
吃完走在廣場上抵著半餓不飽，逛local首飾店。
在夜色中走過的一道橋。
來自瑞典鄉下的女孩。
沒有一起去看的電影。
不賴的chinese takeaway。
轉夏令時間。
很自我感覺良好的美國女人。
光頭的教書先生。
外表華麗內裡分租的房子。
在酒吧疑似被胸襲。
的士好貴，但可以簽卡。

原來再hea也是走得太快，一心趕往目的地，不覺忽略沿路風光。
又原來再趕還是不夠，沒有把握的機會多著呢。
旅行如此，人生如是。 哪天才懂睜開眼？

清晨

聽著窗外百鳥爭鳴(還能更老套嗎？)。 想起那年那地那人，教會我聆聽鳥兒的聲音。 如果那天清晨，我答應跟你到運河逛一遍。 結局，還是一樣吧。

芬蘭浴

港女黎芬蘭試正宗芬蘭浴。搵左間所謂最正宗燒柴既，不過由於身在首都helsinki，所以點都唔會外面有個湖你跳落去。無計，照去。

去到門口好詭異。一個無著衫、下身圍條毛巾既白頭大叔坐響門外歎煙。入面燈光昏暗，得個好似細個睇戲賣飛既窗口仔，賣飛阿哥收錢，俾張紙飛你。隔離一條窄窄既樓梯，一樓女、二樓男。先入更衣室，有堆好難開既木locker。中間有張細枱仔，圍住坐左幾個無著衫既大嬸，肉帛相見地吹水。

我膽粗粗，問大嬸們介唔介意介紹下點搞，因為我第一次黎。佢地好似覺得好funny，其中一個好人大嬸忍唔住率先話，第一步梗係除衫。大家都進入伊甸園狀態，大嬸更加親切，拉住我巡視沖涼房，再入桑拿房。

個燒柴爐好經典，頂到出天花既大鐵鍋，裡面真係火光熊熊，隔離有大堆柴。大嬸勸我咪立亂自己加柴，但就教我調校火爐溫度，同埋直接成桶水潑落木牆。佢話咁樣感覺會更mellow，好舒服，試過又真係。

大嬸陪我坐左陣，講左好多傳統芬蘭浴知識。原來以前大家響鄉下，人人屋企都有一間咁既木屋仔，又唔知點解人人都有個湖響外面。夏天既時候，兩公婆一齊自家焗，焗慶左就出去個湖游水傾偈野餐，玩完再焗，焗完再玩，搞足大半日，好鬼爽。

所以就算而家，大嬸佢地都帶晒啤酒、白酒、腸仔、火腿，圍埋張枱仔邊食邊睇雜誌邊吹水。不過我之前唔知所以無準備，失敗！

後黎又撞到個美少女導演。佢二話不說就扭大個火爐。我開頭都慌慌地，事關我響香港其實一焗就見暈抖唔到氣。不過響呢度焗左好耐，竟然越焗越舒服。個柴爐果然名不虛傳，寧舍好feel。女導演又介紹我睇最近有套講芬蘭浴同透視芬蘭傳統、個性云云既獨立電影，俾晒地址時間我，可惜我第二日就要走，睇唔到。

綜觀短短個幾鐘頭既見聞，我發現原來真係可以好淡淡的、淡淡的粉紅，好靚架。唔知同北歐人種有無關呢。

印象

或長或短逗留過八個國家，總結印象......

挪威是古板的；
瑞典是壯闊的；
丹麥是華麗的；
芬蘭是驚喜處處的；
荷蘭是小家碧玉的；
比利時是貪玩的；
德國是討厭的；
愛沙尼亞是超多靚仔的！

翻生

返左黎三個幾月，本黎都處於放棄狀態，但俾二爺一問，真係唔寫？得你一個人記得，唔寫低就無。哦，咁寫啦。岩岩溫完書，睇返之前個d。原來無我想像中咁少，都無自以為咁有趣。不過睇到某d位，諗起一d事(本黎真係唔記得)，都好sweet。嘻，好呀，寫呀。即管睇下記得幾多寫幾多。

life is to kill time

so if you have to do it anyway, try to do it in a pleasant way, until you enjoy the killing so you wont kill yourself.

life is a series of coincidence

if not misfortune.