港女黎芬蘭試正宗芬蘭浴。搵左間所謂最正宗燒柴既，不過由於身在首都helsinki，所以點都唔會外面有個湖你跳落去。無計，照去。
去到門口好詭異。一個無著衫、下身圍條毛巾既白頭大叔坐響門外歎煙。入面燈光昏暗，得個好似細個睇戲賣飛既窗口仔，賣飛阿哥收錢，俾張紙飛你。隔離一條窄窄既樓梯，一樓女、二樓男。先入更衣室，有堆好難開既木locker。中間有張細枱仔，圍住坐左幾個無著衫既大嬸，肉帛相見地吹水。
我膽粗粗，問大嬸們介唔介意介紹下點搞，因為我第一次黎。佢地好似覺得好funny，其中一個好人大嬸忍唔住率先話，第一步梗係除衫。大家都進入伊甸園狀態，大嬸更加親切，拉住我巡視沖涼房，再入桑拿房。
個燒柴爐好經典，頂到出天花既大鐵鍋，裡面真係火光熊熊，隔離有大堆柴。大嬸勸我咪立亂自己加柴，但就教我調校火爐溫度，同埋直接成桶水潑落木牆。佢話咁樣感覺會更mellow，好舒服，試過又真係。
大嬸陪我坐左陣，講左好多傳統芬蘭浴知識。原來以前大家響鄉下，人人屋企都有一間咁既木屋仔，又唔知點解人人都有個湖響外面。夏天既時候，兩公婆一齊自家焗，焗慶左就出去個湖游水傾偈野餐，玩完再焗，焗完再玩，搞足大半日，好鬼爽。
所以就算而家，大嬸佢地都帶晒啤酒、白酒、腸仔、火腿，圍埋張枱仔邊食邊睇雜誌邊吹水。不過我之前唔知所以無準備，失敗！
後黎又撞到個美少女導演。佢二話不說就扭大個火爐。我開頭都慌慌地，事關我響香港其實一焗就見暈抖唔到氣。不過響呢度焗左好耐，竟然越焗越舒服。個柴爐果然名不虛傳，寧舍好feel。女導演又介紹我睇最近有套講芬蘭浴同透視芬蘭傳統、個性云云既獨立電影，俾晒地址時間我，可惜我第二日就要走，睇唔到。
綜觀短短個幾鐘頭既見聞，我發現原來真係可以好淡淡的、淡淡的粉紅，好靚架。唔知同北歐人種有無關呢。
2010年10月10日星期日
2010年9月29日星期三
2010年4月20日星期二
life is to kill time
so if you have to do it anyway, try to do it in a pleasant way, until you enjoy the killing so you wont kill yourself.
2010年4月19日星期一
2010年4月14日星期三
上路
前一晚仲好興奮咁話，等我響瑞典返黎之後，一齊響荷蘭周圍睇花，可以去露營，可以駕車落比利時。估唔到第二日會收到咁既消息。
三十歲未到既家姐，精神病十年，跳火車軌。我諗個刻你有D嬲，有D內疚，同好多傷心。因為你講電話既時候顯得好冷靜。因為你好認真咁分析呢幾年努力疏遠既同時仍然有不時探佢。因為你堅持預左有呢日，連一隻關於傷心既字都唔肯提。
你同julia既對話，可能係世上最奇既悼念。點解要爭論佢係咪真係想死。
好驚你連喊都唔識喊。我諗個刻我好變態，因為我做既就係不停諗辦法令你喊。
父母的確係好堅強既動物。十年黎全職照顧個女，換黎呢刻為後事奔波。那無止境的眼神，是我見過最悲慟的父親的眼睛。
我都喊左好多。家姐死左，聽到都覺得很累。如果係我，唔知會做D咩事出黎。
火車上，你望住你地一齊成長既土地，回憶來襲。一片土地再美，還是比不上家鄉的土地。而我不過過客，努力收拾心情，聽日如期上路到瑞典。
三十歲未到既家姐，精神病十年，跳火車軌。我諗個刻你有D嬲，有D內疚，同好多傷心。因為你講電話既時候顯得好冷靜。因為你好認真咁分析呢幾年努力疏遠既同時仍然有不時探佢。因為你堅持預左有呢日，連一隻關於傷心既字都唔肯提。
你同julia既對話，可能係世上最奇既悼念。點解要爭論佢係咪真係想死。
好驚你連喊都唔識喊。我諗個刻我好變態，因為我做既就係不停諗辦法令你喊。
父母的確係好堅強既動物。十年黎全職照顧個女，換黎呢刻為後事奔波。那無止境的眼神，是我見過最悲慟的父親的眼睛。
我都喊左好多。家姐死左，聽到都覺得很累。如果係我，唔知會做D咩事出黎。
火車上，你望住你地一齊成長既土地，回憶來襲。一片土地再美，還是比不上家鄉的土地。而我不過過客，努力收拾心情，聽日如期上路到瑞典。
2010年4月10日星期六
hea @ groningen, the netherlands
因為覺得8蚊歐羅食十件魚生好抵，無意中就識左壽司店個女仔，然後又識左佢幾個朋友同朋友既朋友，繼而無啦啦就唔駛錢寄居左響人地屋企。
於是，好hea。好無壓力咁hea。今日活動係出街食早餐，同買餸煮飯。原本想煲個青紅蘿蔔湯潤潤佢，但賣菜鬼佬未見過青蘿蔔，仲嘲笑我。於是改煲蕃茄薯仔。岩岩煲好，都幾好味！仲會有炆雞翼。
尋日屋主帶我去教堂彈organ，第一次見到晒裡面同知道點運作，仲彈左陣，好好玩呀。
屋主又講左D小城故事。例如廣場呢邊全新，對面全舊，因為二戰個陣美軍響對面，射爛晒呢邊。原來最大破壞力始終係美國佬。
基本上呢幾日都係同屋主或壽司女hea。方法就係坐cafe同飲野。最搞笑係佢地真係寧願慳埋食野錢愛黎飲野。飲酒又好飲咖啡又好。無端端識左D local人，件事就唔同晒。至少我而家有得抖下。hea多陣又會再次動身。
於是，好hea。好無壓力咁hea。今日活動係出街食早餐，同買餸煮飯。原本想煲個青紅蘿蔔湯潤潤佢，但賣菜鬼佬未見過青蘿蔔，仲嘲笑我。於是改煲蕃茄薯仔。岩岩煲好，都幾好味！仲會有炆雞翼。
尋日屋主帶我去教堂彈organ，第一次見到晒裡面同知道點運作，仲彈左陣，好好玩呀。
屋主又講左D小城故事。例如廣場呢邊全新，對面全舊，因為二戰個陣美軍響對面，射爛晒呢邊。原來最大破壞力始終係美國佬。
基本上呢幾日都係同屋主或壽司女hea。方法就係坐cafe同飲野。最搞笑係佢地真係寧願慳埋食野錢愛黎飲野。飲酒又好飲咖啡又好。無端端識左D local人，件事就唔同晒。至少我而家有得抖下。hea多陣又會再次動身。
2010年4月2日星期五
人格障礙第一章
一路安排行程，一路發現自己一個好嚴重既人格障礙。好聽D講叫隨遇而安，講得狠D叫隨波逐流。基本上缺乏做任何決定既能力。而每當被逼做決定，都係做錯。如果做岩，只係咁岩。
十年前已經諗過做個表，記低每年咩月份咩時間最岩去邊旅行有咩咩咩玩，咁就可以隨時有計劃無計劃起程。但諗左十年得個桔。
呢幾日曾經有個念頭，今次乜都唔plan亂咁行，下次係咪都應該試下plan定晒三個月行程跟住玩，唔知會點？其實我覺得會幾恐怖。
無可否認我覺得亂咁行好好玩，因為會撞到好多意想不到既野，因為根本無諗過會撞到乜野。但同時又會錯過好多好似唔應該錯過既野。搞左一輪就會諗早知咁咁咁。但當知道應該咁咁咁，又會覺得原來就係咁。小姐，其實你想點？
我諗，與其下次plan定三個月，不如而家開始plan定最後一個月，唔好乜都話下次。然後發現，我真係唔想。原來有時我心諗話下次，同話下次飲茶一樣，都係吹下。
越諗越迷惘，好想飲朱古力奶冷靜下，又唔想三更半夜出街買。我都唔知點解係朱古力奶，但總之突然發現樓下counter咖啡機有得賣，仲要熱既，兼抵喎。試下，OK好味，又即刻開心晒。其實我個人真係無乜要求，唔好再成日扮有要求好無？
十年前已經諗過做個表，記低每年咩月份咩時間最岩去邊旅行有咩咩咩玩，咁就可以隨時有計劃無計劃起程。但諗左十年得個桔。
呢幾日曾經有個念頭，今次乜都唔plan亂咁行，下次係咪都應該試下plan定晒三個月行程跟住玩，唔知會點？其實我覺得會幾恐怖。
無可否認我覺得亂咁行好好玩，因為會撞到好多意想不到既野，因為根本無諗過會撞到乜野。但同時又會錯過好多好似唔應該錯過既野。搞左一輪就會諗早知咁咁咁。但當知道應該咁咁咁，又會覺得原來就係咁。小姐，其實你想點？
我諗，與其下次plan定三個月，不如而家開始plan定最後一個月，唔好乜都話下次。然後發現，我真係唔想。原來有時我心諗話下次，同話下次飲茶一樣，都係吹下。
越諗越迷惘，好想飲朱古力奶冷靜下，又唔想三更半夜出街買。我都唔知點解係朱古力奶，但總之突然發現樓下counter咖啡機有得賣，仲要熱既，兼抵喎。試下，OK好味，又即刻開心晒。其實我個人真係無乜要求，唔好再成日扮有要求好無？
2010年4月1日星期四
2010年3月31日星期三
響丹麥撞到羅馬尼亞蕭邦
響hostel廚房撞到個羅馬尼亞人，話自己係musician。問佢玩咩樂器，佢up左個怪名，類似「sampian」。帶我去睇，又確係唔識。有D似古箏，但大個好多，方形有腳踏。佢竟然用呢舊野彈左首蕭邦！好勁呀。
即刻開心晒，成日好似咩都無做過，終於有收穫。買奶買錯左yogurt都無所謂。腳痛都抵。可能旅行就係呢度好玩。永遠唔會知會遇到咩事。況且我今日另一收穫係以為自己買午餐肉，點知原來係肝醬。好好味呀。
- 丹麥時間21.17 30.03.2010 day 21 = day 2 @ aarhus
即刻開心晒，成日好似咩都無做過，終於有收穫。買奶買錯左yogurt都無所謂。腳痛都抵。可能旅行就係呢度好玩。永遠唔會知會遇到咩事。況且我今日另一收穫係以為自己買午餐肉，點知原來係肝醬。好好味呀。
- 丹麥時間21.17 30.03.2010 day 21 = day 2 @ aarhus
十大噩耗之兩隻腳去一隻腳返
唔怪得，原來真係隻痛腳。今朝起身以為無野即刻開心晒。點知玩左兩個鐘唔夠又痛過。好彩都睇到條bog屍。
死狗回航，諗住去打邊出出氣，佢話一個人唔打得喎！唔想又食三文治，死唔就範終於撞到cheap cheap fish & chips。希望呢兩日抖多D，痛痛下就無事。之前用按摩膏唔得，今日到撒隆巴斯出場。
無街去，應該會終日流連響房玩電腦。
- 丹麥時間18.20 30.03.2010 day 21 = day 2 @ aarhus
死狗回航，諗住去打邊出出氣，佢話一個人唔打得喎！唔想又食三文治，死唔就範終於撞到cheap cheap fish & chips。希望呢兩日抖多D，痛痛下就無事。之前用按摩膏唔得，今日到撒隆巴斯出場。
無街去，應該會終日流連響房玩電腦。
- 丹麥時間18.20 30.03.2010 day 21 = day 2 @ aarhus
2010年3月30日星期二
2010年3月29日星期一
denmark high tea
慳埋慳埋，早幾日響copenhagen終於有錢扮上等人，去左號稱最老牌最好味既餅舖la glace食high tea！當然仍然爛身爛世。
先去counter點野食俾埋錢，佢就會攞去你個位。早幾日都黎買過件pastry take away，又的確係好味，街邊cheap貨無得比。今云上次個型爆紋身阿嬋唔響度，換左sweet sweet後生靚女，我問佢邊款最好食，佢介紹朱古力蛋糕，信佢，再加杯熱朱古力。點知一到俾錢，個心打個突，個樣梗係扮無野，不過都忍唔住瞄左靚女一眼，你介紹個cake唔好食就呻笨。
好彩一D都無失望。坦白講，朱古力應該唔係十分超靚個隻，但成件cake味道精緻，我估加左少少咁大把杏仁香吊味。我平時唔多食杏味，但佢就恰到好處似有還無，成件事decent晒。面個一塊仔朱古力，就似加左少少榛子味，成件事係咪好delicate先！一路食一路自己偷笑。
至於杯朱古力，直頭不得了。本身已經夠濃夠滑，面個層衣係厚架，直頭有牛油feel。唔單止咁，佢仲另外上多杯cream。個cream就咁試味唔特別，直頭唔算香。但偏偏一攪左落個朱古力度，wow，成杯野多埋層泡滑溜到呢。容許我用一個好港女既形容，好飲過半島個杯羅。再好港女咁補多句，不過論材料半島D朱古力應該靚D。
講返間野，布局又真係幾classic。最搞笑我前面坐左三個阿嬋，十足我地平時響香港幾件中女去high tea咁，一人嗌件cake然後係咁叉人地個舊黎食，試晒味個死人樣好好笑。原來我平時都幾可愛。食食下又攞岩岩shopping買左既衫出黎玩，噢，我覺得好warm。
另一枱又黎左兩個講英文既女人遊客。同我一樣，入到黎第一件事又係問侍應應該坐低先定嗌野先。同埋俾完錢第一個反應都係，好貴！
後尾佢地件cake食左大半先見到裡面有條「毛髮」......well，我諗係頭髮黎既。攞去counter，個似話得事既老女人竟然俾返廿幾蚊佢，大概就係個cake未食個忽既價錢。都幾mean。唔知丹麥有無食環署。個兩個女人當然無奈，我諗唔係錢既問題，而係，咁即係點。不過丹麥人咁得意，可能佢地真係覺得無乜野兼合情合理合法。
丹麥時間2010.03.27 18.34 day18 = day4@Copenhagen
*由於太開心，食完即日就寫定。不過個陣上唔到網...... =.=
先去counter點野食俾埋錢，佢就會攞去你個位。早幾日都黎買過件pastry take away，又的確係好味，街邊cheap貨無得比。今云上次個型爆紋身阿嬋唔響度，換左sweet sweet後生靚女，我問佢邊款最好食，佢介紹朱古力蛋糕，信佢，再加杯熱朱古力。點知一到俾錢，個心打個突，個樣梗係扮無野，不過都忍唔住瞄左靚女一眼，你介紹個cake唔好食就呻笨。
好彩一D都無失望。坦白講，朱古力應該唔係十分超靚個隻，但成件cake味道精緻，我估加左少少咁大把杏仁香吊味。我平時唔多食杏味，但佢就恰到好處似有還無，成件事decent晒。面個一塊仔朱古力，就似加左少少榛子味，成件事係咪好delicate先！一路食一路自己偷笑。至於杯朱古力，直頭不得了。本身已經夠濃夠滑，面個層衣係厚架，直頭有牛油feel。唔單止咁，佢仲另外上多杯cream。個cream就咁試味唔特別，直頭唔算香。但偏偏一攪左落個朱古力度，wow，成杯野多埋層泡滑溜到呢。容許我用一個好港女既形容，好飲過半島個杯羅。再好港女咁補多句，不過論材料半島D朱古力應該靚D。
講返間野，布局又真係幾classic。最搞笑我前面坐左三個阿嬋，十足我地平時響香港幾件中女去high tea咁，一人嗌件cake然後係咁叉人地個舊黎食，試晒味個死人樣好好笑。原來我平時都幾可愛。食食下又攞岩岩shopping買左既衫出黎玩，噢，我覺得好warm。
另一枱又黎左兩個講英文既女人遊客。同我一樣，入到黎第一件事又係問侍應應該坐低先定嗌野先。同埋俾完錢第一個反應都係，好貴！
後尾佢地件cake食左大半先見到裡面有條「毛髮」......well，我諗係頭髮黎既。攞去counter，個似話得事既老女人竟然俾返廿幾蚊佢，大概就係個cake未食個忽既價錢。都幾mean。唔知丹麥有無食環署。個兩個女人當然無奈，我諗唔係錢既問題，而係，咁即係點。不過丹麥人咁得意，可能佢地真係覺得無乜野兼合情合理合法。
丹麥時間2010.03.27 18.34 day18 = day4@Copenhagen
*由於太開心，食完即日就寫定。不過個陣上唔到網...... =.=
2010年3月17日星期三
等
好想最後一晚睇多次北極光，熄剩盞床頭燈，坐響窗前，摸黑咬住舊豬扒骨。
原來等既感覺可以咁平靜。唔知係因為覺得盡左力，還是根本無得盡力。
真係再睇多兩次，不過係好弱個隻，先知原來前晚個次並唔係必然。
平靜中諗起你。又諗起曾經不下一次旅行既時候，心裡面帶著另一個人。先知原來自己唔同左。
唔知呢晚會唔會有人響另一度睇到一次好勁既北極光。唔知以後既冬天，會唔會諗起響地球既呢邊，可能有人睇緊好靚既北極光。
如果有日我好有錢，我會想響度起間玻璃屋，每年黎等一次北極光。發夢。
今日個task係黃昏玩雪橇狗。以前以為呢個活動都幾虐畜，但原來D雪橇喪既。一黎未企穩就衝，要硬落重brake先肯停。然後趁你唔為意又起跑，差D又俾佢成架雪橇車走左去。
hea足三日，希望落到瑞典可以玩多D，唔使再迫我上網訂野黐住部電腦。我唔係黎玩電腦架。
原來等既感覺可以咁平靜。唔知係因為覺得盡左力，還是根本無得盡力。
真係再睇多兩次，不過係好弱個隻，先知原來前晚個次並唔係必然。
平靜中諗起你。又諗起曾經不下一次旅行既時候，心裡面帶著另一個人。先知原來自己唔同左。
唔知呢晚會唔會有人響另一度睇到一次好勁既北極光。唔知以後既冬天，會唔會諗起響地球既呢邊，可能有人睇緊好靚既北極光。
如果有日我好有錢，我會想響度起間玻璃屋，每年黎等一次北極光。發夢。
今日個task係黃昏玩雪橇狗。以前以為呢個活動都幾虐畜，但原來D雪橇喪既。一黎未企穩就衝，要硬落重brake先肯停。然後趁你唔為意又起跑，差D又俾佢成架雪橇車走左去。
hea足三日，希望落到瑞典可以玩多D，唔使再迫我上網訂野黐住部電腦。我唔係黎玩電腦架。
2010年3月16日星期二
回首錢塵──初到貴境
今日被困cabin無野做，可以追寫返oslo四日行程。
~~~~~
岩岩到步，D野貴到抑鬱。30蚊港紙支汽水？60蚊個爛鬼凍包？麥當當食個餐要成舊水！咪玩啦。見到乜都唔想食。結果慳家程度係，第一日，全日只係飲左一支500ml既奶，好味！同一大包薯片既少少，結果夜晚餓到標冷汗醒左然後想暈。其實喼度有餅，但真係乜都唔想食。
不過見到周圍係雪好開心，落頭皮雪都好開心。最愛係botanic garden，好多好多雪，好靚好好玩。我諗我對雪有少少obsession。
第二日覺得要對自己好D，用七十幾蚊港紙食左個早餐，第一次坐低響舖頭食野，就係一個朱古力牛角包同一杯latte。夜晚買三文魚同面包返屋企，獎多自己一支汽水，因為個膠樽之後可以用黎裝水帶出街。
臨行唔記得check插頭，結果用左約80蚊港紙買左一隻轉插，都唔敢咁豪買兩隻，唯有就住用。
oslo既朝早係令人好迷惘既地方，唔知點解總有呢種感覺，定只係唔慣？唔慣乜都靠自己，唔慣成街紅鬚綠眼。Shit，i'm so outta place！第一日我個心的確屌晒鬼。
某個仍然好迷惘既朝早，響便利店買野咁岩聽到收音機播hey there delilah，覺得好warm，開心晒。
某個好迷惘既下晝，遇到一個好教父爛仔style既大叔，響街邊用手風琴拉教父主題曲。
挪威其中一個令人迷惘既地方，係明明你兜口兜面企響度，但佢會叫返你上網睇資料同做booking。咁我黎呢度做乜？乜都要跟住做，好，悶，呀你地。
行博物館最中意munch museum。免入場費都豪左三十幾蚊港紙租個audioguide。我覺得呢幾年去旅行都去岩地方。由最經典既意大利，到西班牙、法國，到而家黎北歐睇新野。
National Gallery都係好地方，有高更、cezanne等等一堆佢識我我唔識佢既大作。無論用幾鮮既色，都走唔甩陰陰沉沉。北歐果然係令人想自殺既地方。另外都睇左D新既裝置藝術類，幾creative睇得幾開心，不過睇得多會悶。
去埋維京船博物館，無乜特別，幾隻大船羅。其實本黎係為左搭隻渡海輪先去，點知冬天唔開，得返架爛鬼貴爆遊客船。梗係唔坐，但又覺得無理由去唔到，於是試下自己搵巴士去。都係任性。不過博物館所在個區好靚，小區風味，亦係我響呢度初遇頭皮雪既地方。
唔想咁city，去左日滑雪場。唔知去黎做乜，又唔識滑雪。不過咁近city既滑雪場好似好funny咁。又諗住去到就搵到教練。不過諗諗下，平時去泳池都無游水教練，點解滑雪場會有滑雪教練？但係就意外搭上荷蘭妹，陪我玩白痴雪橇。我仲白痴到俾架雪橇sir左去，追到氣咳。
我諗真係物以類聚，荷蘭妹有樣野同我好似，就係亂咁行。每次滑完雪橇都要好似滑雪咁上返去再滑落黎。某次我地又原路返返上去，佢突然呆左，問我地去左邊。原來佢掛住講野，只係見路就行。佢個下個樣真係好驚，驚到我都嚇親。而家我明平時俾我唔認路嚇親既朋友係咩心情。
玩完還野，租雪橇佬係佢同鄉，好好客咁請我地飲熱朱古力。佢地用鄉下話傾左餐，我聽得好認真，聽到一兩隻字。之後陪荷蘭妹去食齋，係我唯一一餐坐低食既午/晚飯，可能一個人真係無乜興趣坐低食野。呢餐都係我黎左三日第一餐真係飽，做窮人真係淒涼。
我地又一齊行行左陣類似十蚊店既野，佢好sweet買左手信俾老豆老母。又行書局，再去個個出名好多雕塑既公園vigelandsparken，睇到好靚既日落，但D雕塑我同荷蘭妹都唔識欣賞，一致認為so weird。其實有人陪都幾好，不過一個人又有一個人好，做人都係唔好太貪心。
搭電車見到有人無買飛俾臥地捉到，好好笑。
響lokka行舖頭仔，見到好多好有心思既display，當然無得影相。然後發現，原來好多野都係留唔低。或者過一陣連自己都唔記得，可以做既只有好好享受呢刻既好心情。咁岩撞到街邊檔類似冬甩物體，有熱野食，響呢度係好感動的事啊。
最失敗係去opera house，唔敢上佢個斜頂。D雪好滑呀。荷蘭妹都笑過我對鞋九唔搭八。的確又好跣腳，不過其實又唔會咁易跌低。做人如是。
黎左幾日都唔認得路。明明以為行緊大直路，行下行下點知好眼熟返返起點。後黎一次問路，成半個鐘頭既路程，個local靚姐只係同我講「up up up」，我竟然順利到步。原來問題唔係左同右，而係上同落。有時諗野唔好諗埋一邊。正如，唔好質疑點解明明響hostel住一樓，上左一層樓梯，但入到房望出窗口，又係地下個層。
四晚都住八人房，最大鑊係廁所唔係響出面，係房入面。keep住成屋人，我真係好難痾屎。咁私人既野，我唔可以響覺得有人既地方做架，唉。仲有黎左只係幾日，D頭髮開始扮鬼妹痴埋一舊，唔知點解去親歐洲都係咁。某日又因為成屋人，我咩都做唔到唯有恰一恰，戴住con，結果右眼幾乎剝唔到，嚇到我呢幾日都無戴con。
D人車輪轉，最cutie始終係一班意大利鬼，問我乜香港唔係響日本？最討厭醉酒澳洲佬。不過另一對澳洲couple就好nice。同有個好文藝既俄羅斯妹。
~~~~~
終於追返，而家要準備出門口玩雪橇狗。頭先先發現漏左玩釣魚，都怪自己貪hea。hea左響度又諗，如果有車牌就可以租車出去兜下風，咁先盡興嘛。我想睇海邊呀，經過見好靚咁。好喇hea又嫌hea，忙又嫌忙，究竟我想點？
-挪威時間16.08 16.03.2010, day 7
~~~~~
岩岩到步，D野貴到抑鬱。30蚊港紙支汽水？60蚊個爛鬼凍包？麥當當食個餐要成舊水！咪玩啦。見到乜都唔想食。結果慳家程度係，第一日，全日只係飲左一支500ml既奶，好味！同一大包薯片既少少，結果夜晚餓到標冷汗醒左然後想暈。其實喼度有餅，但真係乜都唔想食。
不過見到周圍係雪好開心，落頭皮雪都好開心。最愛係botanic garden，好多好多雪，好靚好好玩。我諗我對雪有少少obsession。
第二日覺得要對自己好D，用七十幾蚊港紙食左個早餐，第一次坐低響舖頭食野，就係一個朱古力牛角包同一杯latte。夜晚買三文魚同面包返屋企，獎多自己一支汽水，因為個膠樽之後可以用黎裝水帶出街。
臨行唔記得check插頭，結果用左約80蚊港紙買左一隻轉插，都唔敢咁豪買兩隻，唯有就住用。
oslo既朝早係令人好迷惘既地方，唔知點解總有呢種感覺，定只係唔慣？唔慣乜都靠自己，唔慣成街紅鬚綠眼。Shit，i'm so outta place！第一日我個心的確屌晒鬼。
某個仍然好迷惘既朝早，響便利店買野咁岩聽到收音機播hey there delilah，覺得好warm，開心晒。
某個好迷惘既下晝，遇到一個好教父爛仔style既大叔，響街邊用手風琴拉教父主題曲。
挪威其中一個令人迷惘既地方，係明明你兜口兜面企響度，但佢會叫返你上網睇資料同做booking。咁我黎呢度做乜？乜都要跟住做，好，悶，呀你地。
行博物館最中意munch museum。免入場費都豪左三十幾蚊港紙租個audioguide。我覺得呢幾年去旅行都去岩地方。由最經典既意大利，到西班牙、法國，到而家黎北歐睇新野。
National Gallery都係好地方，有高更、cezanne等等一堆佢識我我唔識佢既大作。無論用幾鮮既色，都走唔甩陰陰沉沉。北歐果然係令人想自殺既地方。另外都睇左D新既裝置藝術類，幾creative睇得幾開心，不過睇得多會悶。
去埋維京船博物館，無乜特別，幾隻大船羅。其實本黎係為左搭隻渡海輪先去，點知冬天唔開，得返架爛鬼貴爆遊客船。梗係唔坐，但又覺得無理由去唔到，於是試下自己搵巴士去。都係任性。不過博物館所在個區好靚，小區風味，亦係我響呢度初遇頭皮雪既地方。
唔想咁city，去左日滑雪場。唔知去黎做乜，又唔識滑雪。不過咁近city既滑雪場好似好funny咁。又諗住去到就搵到教練。不過諗諗下，平時去泳池都無游水教練，點解滑雪場會有滑雪教練？但係就意外搭上荷蘭妹，陪我玩白痴雪橇。我仲白痴到俾架雪橇sir左去，追到氣咳。
我諗真係物以類聚，荷蘭妹有樣野同我好似，就係亂咁行。每次滑完雪橇都要好似滑雪咁上返去再滑落黎。某次我地又原路返返上去，佢突然呆左，問我地去左邊。原來佢掛住講野，只係見路就行。佢個下個樣真係好驚，驚到我都嚇親。而家我明平時俾我唔認路嚇親既朋友係咩心情。
玩完還野，租雪橇佬係佢同鄉，好好客咁請我地飲熱朱古力。佢地用鄉下話傾左餐，我聽得好認真，聽到一兩隻字。之後陪荷蘭妹去食齋，係我唯一一餐坐低食既午/晚飯，可能一個人真係無乜興趣坐低食野。呢餐都係我黎左三日第一餐真係飽，做窮人真係淒涼。
我地又一齊行行左陣類似十蚊店既野，佢好sweet買左手信俾老豆老母。又行書局，再去個個出名好多雕塑既公園vigelandsparken，睇到好靚既日落，但D雕塑我同荷蘭妹都唔識欣賞，一致認為so weird。其實有人陪都幾好，不過一個人又有一個人好，做人都係唔好太貪心。
搭電車見到有人無買飛俾臥地捉到，好好笑。
響lokka行舖頭仔，見到好多好有心思既display，當然無得影相。然後發現，原來好多野都係留唔低。或者過一陣連自己都唔記得，可以做既只有好好享受呢刻既好心情。咁岩撞到街邊檔類似冬甩物體，有熱野食，響呢度係好感動的事啊。
最失敗係去opera house，唔敢上佢個斜頂。D雪好滑呀。荷蘭妹都笑過我對鞋九唔搭八。的確又好跣腳，不過其實又唔會咁易跌低。做人如是。
黎左幾日都唔認得路。明明以為行緊大直路，行下行下點知好眼熟返返起點。後黎一次問路，成半個鐘頭既路程，個local靚姐只係同我講「up up up」，我竟然順利到步。原來問題唔係左同右，而係上同落。有時諗野唔好諗埋一邊。正如，唔好質疑點解明明響hostel住一樓，上左一層樓梯，但入到房望出窗口，又係地下個層。
四晚都住八人房，最大鑊係廁所唔係響出面，係房入面。keep住成屋人，我真係好難痾屎。咁私人既野，我唔可以響覺得有人既地方做架，唉。仲有黎左只係幾日，D頭髮開始扮鬼妹痴埋一舊，唔知點解去親歐洲都係咁。某日又因為成屋人，我咩都做唔到唯有恰一恰，戴住con，結果右眼幾乎剝唔到，嚇到我呢幾日都無戴con。
D人車輪轉，最cutie始終係一班意大利鬼，問我乜香港唔係響日本？最討厭醉酒澳洲佬。不過另一對澳洲couple就好nice。同有個好文藝既俄羅斯妹。
~~~~~
終於追返，而家要準備出門口玩雪橇狗。頭先先發現漏左玩釣魚，都怪自己貪hea。hea左響度又諗，如果有車牌就可以租車出去兜下風，咁先盡興嘛。我想睇海邊呀，經過見好靚咁。好喇hea又嫌hea，忙又嫌忙，究竟我想點？
-挪威時間16.08 16.03.2010, day 7
衝動左
可能真係太想離開挪威呢個咁有秩序既地方，又潛移默化左alta呢度無路可逃，一邊鬧無可能，竟然一邊真係訂左機票先南飛，返返oslo過瑞典。之後搵搵下，先發現轉折D既話，其實可以行路陸響北邊入。未必平D，一定煩D，但應該好玩D。
不過而家米已成炊，唯有諗可以早D走都好。希望入到瑞典可以展開真正hit the road之旅，唔使再同佢規規矩矩訂景點。第一個撻Q位：星期三可唔可以準時三點半落機，搭到五點既火車？
之前俾呢度住宿錢又穩陣得濟，驚唔夠cash俾左卡，搞到而家突晒cash添，仲要簽卡又使突埋，shit！
峰不迴路一轉，北極熊拜拜，有機會再探你。你屋企又貴又凍，我頂唔蒲啊。芬蘭冰雕酒店靠北，應該都拜拜，有緣再會。突然諗起我魂牽夢繞的西西里。
we'r too old to make a mess, dreams will keep me young...
-挪威時間 01.23 16.03.2010, day6-7
不過而家米已成炊，唯有諗可以早D走都好。希望入到瑞典可以展開真正hit the road之旅，唔使再同佢規規矩矩訂景點。第一個撻Q位：星期三可唔可以準時三點半落機，搭到五點既火車？
之前俾呢度住宿錢又穩陣得濟，驚唔夠cash俾左卡，搞到而家突晒cash添，仲要簽卡又使突埋，shit！
峰不迴路一轉，北極熊拜拜，有機會再探你。你屋企又貴又凍，我頂唔蒲啊。芬蘭冰雕酒店靠北，應該都拜拜，有緣再會。突然諗起我魂牽夢繞的西西里。
we'r too old to make a mess, dreams will keep me young...
-挪威時間 01.23 16.03.2010, day6-7
每天只做一件事
第六日，繼續in the middle of nowhere。hea精發作，賴床！
呆等巴士出城，唔知幾點有車，更加唔知仲會唔會有。好凍，冒險hitch左架車。其實都唔險，係我睇中後面間屋有人出車，嘻嘻。
瘦老伯車左我去另一邊市中心，我自己行多唔駛半個鐘去返要去個邊。響雪地行半個鐘都幾甘。
咁岩撞正我由一黎就不停聽人講既雪橇狗大賽短途冠軍就到步。決定等！一等企左成個鐘。原來對腳冰都唔係最辛苦。嘴唇凍到痺左都可以接受。但係對手僵到壞死咁，真係好嚇人。事後即刻衝入商場搵廁所開水喉暖返對手。雖然咁做可能並唔正確，但唔知係咪無左對手既感覺實在太恐怖。
終點迎雪橇活動原來好無聊。開頭以為會好多狗衝埋黎好勁。點知原來得帶頭一隊，由幾條累到死晒狗既狗，拖住個疲到爆既人。其他個D俾人拋左幾廿條街。不過D狗幾可愛。同埋睇完我就叫做左D野，完成今日個task，可以心安理得去超市shopping，買晒未來兩日既糧繼續療養，哈哈。
回程無得揀又要打的，靚仔司機蝕左俾我，因為大紙佢無得找，散紙又差少少，佢無奈接受。今朝個程真係越諗越抵。
成日無食野，返到屋企開大餐，有怪味芝士、面包、薯仔沙律、牛脷、三文魚，餸啤酒，kakaka！聽日仲有豬排同菇菇，又有提子食，實在太奢侈，好內疚呀。睇黎遲D都要避走東歐。
食完八點訓晏覺。熄燈恰住等左陣北極光，無lu。真hea。真好。我聽日都要繼續療養，嘻嘻。
-挪威時間23.01 15.03.2010, day 6
呆等巴士出城，唔知幾點有車，更加唔知仲會唔會有。好凍，冒險hitch左架車。其實都唔險，係我睇中後面間屋有人出車，嘻嘻。
瘦老伯車左我去另一邊市中心，我自己行多唔駛半個鐘去返要去個邊。響雪地行半個鐘都幾甘。
咁岩撞正我由一黎就不停聽人講既雪橇狗大賽短途冠軍就到步。決定等！一等企左成個鐘。原來對腳冰都唔係最辛苦。嘴唇凍到痺左都可以接受。但係對手僵到壞死咁，真係好嚇人。事後即刻衝入商場搵廁所開水喉暖返對手。雖然咁做可能並唔正確，但唔知係咪無左對手既感覺實在太恐怖。
終點迎雪橇活動原來好無聊。開頭以為會好多狗衝埋黎好勁。點知原來得帶頭一隊，由幾條累到死晒狗既狗，拖住個疲到爆既人。其他個D俾人拋左幾廿條街。不過D狗幾可愛。同埋睇完我就叫做左D野，完成今日個task，可以心安理得去超市shopping，買晒未來兩日既糧繼續療養，哈哈。
回程無得揀又要打的，靚仔司機蝕左俾我，因為大紙佢無得找，散紙又差少少，佢無奈接受。今朝個程真係越諗越抵。
成日無食野，返到屋企開大餐，有怪味芝士、面包、薯仔沙律、牛脷、三文魚，餸啤酒，kakaka！聽日仲有豬排同菇菇，又有提子食，實在太奢侈，好內疚呀。睇黎遲D都要避走東歐。
食完八點訓晏覺。熄燈恰住等左陣北極光，無lu。真hea。真好。我聽日都要繼續療養，嘻嘻。
-挪威時間23.01 15.03.2010, day 6
2010年3月15日星期一
我真係見到北極光
挪威時間夜晚十點鬆D，寫完上一篇，msn吹完水，刷完牙，熄燈。岩岩黑晒，個心仲淆淆地，因為不嬲怕黑。突然一陣綠色響窗口揚過。睬，唔係咁邪呀。
中埋個窗口睇，真架。綠色，係咁湧埋黎，好似鬼片咁，驚到個心寒一寒打冷震。唔理咁多，好彩外套頸巾同帽全部丟埋一堆，拿起手邊著邊衝出街。真係好靚。靚得黎又好恐怖。響個天揚下揚下好似想湧埋你度咁。揚左陣另一邊山頭又好似成個著燈發晒光。我睇到唔敢郁，驚一郁佢就會無晒。
過左分零兩分鐘，好似無乜。衝返入屋試下攞相機影唔影到。再出返黎又熱鬧返。對手超震咁影左三張咁大把鬆郁濛版已經頂唔蒲，但點都唔捨得走。
個下我心諗，god does love me... what has He ever taken from me to let me see this? or what would he like to take? 然後就喊左出黎。
全程我諗無十分鐘，都好，真係頂唔住。入屋個陣已經成個人好似響雪櫃攞出黎既玻璃樽咁，冰晒。大佬我本黎只係著短袖tee同撻拖鞋，鞋都換唔切，係攞相機個陣著多對襪咁大把，好彩唔係著短褲。不過就搞到條長褲拖地俾雪整濕褲腳。
之後唔死心，著返晒暖衫出去等多陣，已經無lu。究竟我睇到個陣係已經揚左好耐定岩岩開始真係一個謎。雖然唔係最靚彩色個隻，但已經好滿足。雖然凍到而家個頭好痛，要食個意粉暖一暖。其實咁既天氣，著晒成喼衫都唔係好頂得住。難怪睇既途中，有個疑似local響隔離屋出黎，佢望都懶望唔知攞野定搞咩轉頭搞掂就衝返入屋。
此行其中一個口號就係to see sth that stuns me。兩個鐘頭前仲諗緊報唔報個D掠水等北極光團，估唔到第一晚就睇到。咁我係咪隨時可以返黎？嘻嘻。
-挪威時間 00.30 15.03.2010, day 5-6
中埋個窗口睇，真架。綠色，係咁湧埋黎，好似鬼片咁，驚到個心寒一寒打冷震。唔理咁多，好彩外套頸巾同帽全部丟埋一堆，拿起手邊著邊衝出街。真係好靚。靚得黎又好恐怖。響個天揚下揚下好似想湧埋你度咁。揚左陣另一邊山頭又好似成個著燈發晒光。我睇到唔敢郁，驚一郁佢就會無晒。
過左分零兩分鐘，好似無乜。衝返入屋試下攞相機影唔影到。再出返黎又熱鬧返。對手超震咁影左三張咁大把鬆郁濛版已經頂唔蒲，但點都唔捨得走。
個下我心諗，god does love me... what has He ever taken from me to let me see this? or what would he like to take? 然後就喊左出黎。
全程我諗無十分鐘，都好，真係頂唔住。入屋個陣已經成個人好似響雪櫃攞出黎既玻璃樽咁，冰晒。大佬我本黎只係著短袖tee同撻拖鞋，鞋都換唔切，係攞相機個陣著多對襪咁大把，好彩唔係著短褲。不過就搞到條長褲拖地俾雪整濕褲腳。
之後唔死心，著返晒暖衫出去等多陣，已經無lu。究竟我睇到個陣係已經揚左好耐定岩岩開始真係一個謎。雖然唔係最靚彩色個隻，但已經好滿足。雖然凍到而家個頭好痛，要食個意粉暖一暖。其實咁既天氣，著晒成喼衫都唔係好頂得住。難怪睇既途中，有個疑似local響隔離屋出黎，佢望都懶望唔知攞野定搞咩轉頭搞掂就衝返入屋。
此行其中一個口號就係to see sth that stuns me。兩個鐘頭前仲諗緊報唔報個D掠水等北極光團，估唔到第一晚就睇到。咁我係咪隨時可以返黎？嘻嘻。
-挪威時間 00.30 15.03.2010, day 5-6
無人之境
行程一跳就黎到第5日，on99到左挪威好北好北但又唔係最北既alta，追尋我既北極光lost cause。
點解會黎呢度呢，因為求其聽人講話去北D啦，3月中都吻吻地。哦，黎羅。上網訂機票，ok wor。到訂住宿咪知大鑊，貴到嘔泡。搞左一輪先搵到間叫最平既酒店，$1300幾港紙。痴乸線，不如唔要張機票算啦。講下姐，都要book。好彩之後又搵到間平D。$500左右。即刻取消之前個間訂呢間，但其實都唔知自己訂左D乜。
嘻嘻黎到先知精彩。嘩，荒蕪到呢。首先，alta公共交通超差，更加無車去我住個camp site。結果先由機場搭左3舊幾水的士，wow！
然後黎到，離市中心5km左右，當然無車去。仲要星期日，去到都無野開。糧都斷埋。周圍亂咁行，行左過隔離人地camp site，死lur個阿姐，佢見我咁可憐，就響雪櫃同野食櫃摷左D未開既儲糧賣俾我，包括一包意粉，一罐好地道既罐頭肉丸，同一支鮮奶。
Yeah！可以返屋企煮野食。係喎，結果我住咩呢，就係一個camp site既獨立cabin，有廚房有廁所一個人霸晒！kakaka，其實真係好爽，D野又可以擺晒出黎，so much like home！雖然我唔知點解要自己一個人走出黎然後找尋家的感覺。
不過講真，同人share左4日8人大房，已經好想死。尋晚條澳洲醉鬼係咁嘈生晒，訓都訓唔到。臨走仲賴sweet講goodnite(時為清晨五點半，佢唔知係咪趕住去托塔，我就起身趕飛機)，我求其黑佢面講左句bye。唔同佢講on9咪俾面，鬼叫佢聽唔明，費事徙氣。佢之前仲問我去唔去飲野，好彩無去，真係要帶眼識人，識著D癲既盞攞黎衰。
講返我個cabin，爽還爽，但笨唔係一開頭佢話五舊個間。因為五舊要出街去另一楝野去廁所同沖涼。痴根，條路又唔係近，夜麻麻-20度，未痾已經響雪地凍僵左啦，唯有硬食呢間，八舊。其實斷cabin計，可以住兩個人，但我無兩個人嘛，妖。豪俾佢哈哈。
不過黎到真係好開心。周圍都係雪地，無人架。又無野玩。直頭覺得自己變左咩梵高呀、munch呀個D，去左深山療養作畫。望住隻雀飛過，覺得自己都free as a bird，同埋開始發現做雀仔日日飛黎飛去都幾無聊。
換套暖D既衫出去。好凍呀，-7度，行左陣對腳板已經冰左咁濟。自己同自己響雪地影相，so romantic。不過呢度D人仲romantic，佢地係ski住黎walk dog。
返屋企又望住個窗喪hea，開住歌聽time after time。if you're lost, you can look, and you will find me, time after time...
其實我真係要停一停，呢幾日好忙，一邊要周圍去，一邊又要安排之後去邊。挪威實在係一個令人好迷惘既地方。你兜口兜面問佢野，佢叫返你上網自己睇。於是每日玩到五六七點又要返屋企玩電腦，仲攰過返工。但我出黎，唔係就係想停一停咋咩？
而家無情情黎左個無人之境，希望可以抖抖。我決定今晚10點上床，熄燈等北極光。哈哈。
-挪威時間21.48 14.03.2010, day 5
點解會黎呢度呢，因為求其聽人講話去北D啦，3月中都吻吻地。哦，黎羅。上網訂機票，ok wor。到訂住宿咪知大鑊，貴到嘔泡。搞左一輪先搵到間叫最平既酒店，$1300幾港紙。痴乸線，不如唔要張機票算啦。講下姐，都要book。好彩之後又搵到間平D。$500左右。即刻取消之前個間訂呢間，但其實都唔知自己訂左D乜。
嘻嘻黎到先知精彩。嘩，荒蕪到呢。首先，alta公共交通超差，更加無車去我住個camp site。結果先由機場搭左3舊幾水的士，wow！
然後黎到，離市中心5km左右，當然無車去。仲要星期日，去到都無野開。糧都斷埋。周圍亂咁行，行左過隔離人地camp site，死lur個阿姐，佢見我咁可憐，就響雪櫃同野食櫃摷左D未開既儲糧賣俾我，包括一包意粉，一罐好地道既罐頭肉丸，同一支鮮奶。
Yeah！可以返屋企煮野食。係喎，結果我住咩呢，就係一個camp site既獨立cabin，有廚房有廁所一個人霸晒！kakaka，其實真係好爽，D野又可以擺晒出黎，so much like home！雖然我唔知點解要自己一個人走出黎然後找尋家的感覺。
不過講真，同人share左4日8人大房，已經好想死。尋晚條澳洲醉鬼係咁嘈生晒，訓都訓唔到。臨走仲賴sweet講goodnite(時為清晨五點半，佢唔知係咪趕住去托塔，我就起身趕飛機)，我求其黑佢面講左句bye。唔同佢講on9咪俾面，鬼叫佢聽唔明，費事徙氣。佢之前仲問我去唔去飲野，好彩無去，真係要帶眼識人，識著D癲既盞攞黎衰。
講返我個cabin，爽還爽，但笨唔係一開頭佢話五舊個間。因為五舊要出街去另一楝野去廁所同沖涼。痴根，條路又唔係近，夜麻麻-20度，未痾已經響雪地凍僵左啦，唯有硬食呢間，八舊。其實斷cabin計，可以住兩個人，但我無兩個人嘛，妖。豪俾佢哈哈。
不過黎到真係好開心。周圍都係雪地，無人架。又無野玩。直頭覺得自己變左咩梵高呀、munch呀個D，去左深山療養作畫。望住隻雀飛過，覺得自己都free as a bird，同埋開始發現做雀仔日日飛黎飛去都幾無聊。
換套暖D既衫出去。好凍呀，-7度，行左陣對腳板已經冰左咁濟。自己同自己響雪地影相，so romantic。不過呢度D人仲romantic，佢地係ski住黎walk dog。
返屋企又望住個窗喪hea，開住歌聽time after time。if you're lost, you can look, and you will find me, time after time...
其實我真係要停一停，呢幾日好忙，一邊要周圍去，一邊又要安排之後去邊。挪威實在係一個令人好迷惘既地方。你兜口兜面問佢野，佢叫返你上網自己睇。於是每日玩到五六七點又要返屋企玩電腦，仲攰過返工。但我出黎，唔係就係想停一停咋咩？
而家無情情黎左個無人之境，希望可以抖抖。我決定今晚10點上床，熄燈等北極光。哈哈。
-挪威時間21.48 14.03.2010, day 5
2010年3月9日星期二
2010年3月5日星期五
$ matters
去旅行要有錢，但更加重要既問題，係點樣攞到你既錢，同埋找卡數。結果，我為左呢個問題去足一個禮拜銀行咁滯。
原意係咁既，要袋晒全程旅費響身當然無可能，我唔想日日提心吊膽，個人又無手尾，唔見左我肯定爆喊搵條最近既橋求其推條茂利落河以洩心頭之憤。於是唯有靠ATM。全球兩大提款network當然係plus同cirrus，返大陸要用銀聯另計。plus卡幾乎人人都有，呢個無問題。但係響香港要攞張cirrus原來難過登天。
最初睇中citibank，因為最近我屋企。打電話問左先，好快有人聽，操流利廣東話既親切少女非常impressive，不禁心裡暗讚好過hsbc個個等到自動cut線既廢爆hotline多多聲。電話問完去到counter又再問，出卡姐姐又問，問勻全世界，都話有cirrus。Good啦。哈，點知張卡出到黎，反轉一睇，無喎！咁得意既。
好啦雖然我已經有plus卡，不過見佢張卡用4位password，都攞得過，因為外國ATM通常都4位。越似佢地local卡，出事機會越低。但於是又原地踏步，再搵邊樹有cirrus。
終於幾經考證渣打真係有喎，咪又去攞。講到呢度我都無氣，總之好明顯大家都估到，張卡到手，又係無羅。問左一大輪，哦原來係咁既，有係有，但要特別request。更特別係唔止我要特別講明，係佢地幫我做個陣都要特別做，而響我張卡出事前，佢地無人知架！前後拖左3日，就同我講要4個working day。但係今日星期五喇播。
「下？點解？」「咁有無得快D？」「唔係喎，我咁咁咁喎。」「我明，但係咁咁咁喎。」「唔係喎，如果咁咁咁又得唔得？」「點解唔可以快D？」「有無辦法快D？」「真係無得快D？」「我咁咁咁都得喎，會唔會快D？」「不如你試下咁咁咁，睇下會唔會快D？」
估唔到響sv浸淫兩年，今日終於學以致用。俾人煩得多，煩人有一手。我如是者不停重覆以上問題同埋提出各種疑幻似真既建議，佢地終於話有辦法搞到我星期二臨行前有得攞。嘩，講真，我都覺得自己好煩，唯有係咁講唔該。雖然我唔覺得責任在我方，但我真係覺得自己好很煩。
提款搞掂，找數相對簡單，不外乎set返全部online banking同online pps，都係騰黎騰去同click黎click去。不過東亞都有單笑料，就係話我online account太耐無log，reset password要一個禮拜先寄到黎屋企。咁我梗係又問，有無得快D，反建議不如取消呢個online account開過個新。唔好以為呢個建議好無稽，佢話係得架，仲可以即刻set埋password。不過佢同時提出一個非比尋常既要求：「小姐，你有無住址證明響度？」「下？我一路用緊你銀行架播。」「係呀，我呢度都見到你信用卡月結單record，不過我地print唔到，saving先print到，所以你要俾住址證明。」「哦......」
總結一下，講左咁耐，其實我只係搞左以下少少野：
- 2張提款卡，一張plus、一張cirrus，確保響大部份提款機都攞到錢。
- 2張credit card既online banking，一張master、一張visa，確保簽完卡check到幾時要找幾多數。
- pps online account，用黎找以上2張credit card既數。
都未計唱錢。好彩大佬娶左個醒老婆，好簡單就幫我唱到第一程既挪威錢。另外自己有以前用剩既幾廿蚊歐羅責袋。響香港自己地頭咁小事都搞到一頭煙，究竟響出邊3個月，會搞幾多事出黎？期待。
原意係咁既，要袋晒全程旅費響身當然無可能，我唔想日日提心吊膽，個人又無手尾，唔見左我肯定爆喊搵條最近既橋求其推條茂利落河以洩心頭之憤。於是唯有靠ATM。全球兩大提款network當然係plus同cirrus，返大陸要用銀聯另計。plus卡幾乎人人都有，呢個無問題。但係響香港要攞張cirrus原來難過登天。
最初睇中citibank，因為最近我屋企。打電話問左先，好快有人聽，操流利廣東話既親切少女非常impressive，不禁心裡暗讚好過hsbc個個等到自動cut線既廢爆hotline多多聲。電話問完去到counter又再問，出卡姐姐又問，問勻全世界，都話有cirrus。Good啦。哈，點知張卡出到黎，反轉一睇，無喎！咁得意既。
好啦雖然我已經有plus卡，不過見佢張卡用4位password，都攞得過，因為外國ATM通常都4位。越似佢地local卡，出事機會越低。但於是又原地踏步，再搵邊樹有cirrus。
終於幾經考證渣打真係有喎，咪又去攞。講到呢度我都無氣，總之好明顯大家都估到，張卡到手，又係無羅。問左一大輪，哦原來係咁既，有係有，但要特別request。更特別係唔止我要特別講明，係佢地幫我做個陣都要特別做，而響我張卡出事前，佢地無人知架！前後拖左3日，就同我講要4個working day。但係今日星期五喇播。
「下？點解？」「咁有無得快D？」「唔係喎，我咁咁咁喎。」「我明，但係咁咁咁喎。」「唔係喎，如果咁咁咁又得唔得？」「點解唔可以快D？」「有無辦法快D？」「真係無得快D？」「我咁咁咁都得喎，會唔會快D？」「不如你試下咁咁咁，睇下會唔會快D？」
估唔到響sv浸淫兩年，今日終於學以致用。俾人煩得多，煩人有一手。我如是者不停重覆以上問題同埋提出各種疑幻似真既建議，佢地終於話有辦法搞到我星期二臨行前有得攞。嘩，講真，我都覺得自己好煩，唯有係咁講唔該。雖然我唔覺得責任在我方，但我真係覺得自己好很煩。
提款搞掂，找數相對簡單，不外乎set返全部online banking同online pps，都係騰黎騰去同click黎click去。不過東亞都有單笑料，就係話我online account太耐無log，reset password要一個禮拜先寄到黎屋企。咁我梗係又問，有無得快D，反建議不如取消呢個online account開過個新。唔好以為呢個建議好無稽，佢話係得架，仲可以即刻set埋password。不過佢同時提出一個非比尋常既要求：「小姐，你有無住址證明響度？」「下？我一路用緊你銀行架播。」「係呀，我呢度都見到你信用卡月結單record，不過我地print唔到，saving先print到，所以你要俾住址證明。」「哦......」
總結一下，講左咁耐，其實我只係搞左以下少少野：
- 2張提款卡，一張plus、一張cirrus，確保響大部份提款機都攞到錢。
- 2張credit card既online banking，一張master、一張visa，確保簽完卡check到幾時要找幾多數。
- pps online account，用黎找以上2張credit card既數。
都未計唱錢。好彩大佬娶左個醒老婆，好簡單就幫我唱到第一程既挪威錢。另外自己有以前用剩既幾廿蚊歐羅責袋。響香港自己地頭咁小事都搞到一頭煙，究竟響出邊3個月，會搞幾多事出黎？期待。
2010年3月4日星期四
2010年2月26日星期五
2010年2月21日星期日
木蚤理論
年都過埋，趁食飯同阿媽break the news。
聽到辭職，好自然循例問點解。我咁岩咬住舊雞，就好簡潔咁話：「唔好做。」點知兩老竟然笑，笑到好似睇緊畢打自己人咁。雖然無可否認呢句對白係有D funny，但exit interview既野，交功課姐，何必令人難為情。
跟手又問，去邊度旅行。hmm...有D野。我都未話我會去旅行。Anyway，照答啦，果然一切好順利。我覺得，係老豆通水同佢打左底。否則就係佢都覺得我過去兩年安份守己好有問題。
阿媽唔發癲一回事，當然都吟左句，人地搵份工咁難，你又走去辭職。點知老豆突然出招：「挑，佢木蚤都唔使養隻，怕咩。」頂，點解要係木蚤？笑左。
聽到辭職，好自然循例問點解。我咁岩咬住舊雞，就好簡潔咁話：「唔好做。」點知兩老竟然笑，笑到好似睇緊畢打自己人咁。雖然無可否認呢句對白係有D funny，但exit interview既野，交功課姐，何必令人難為情。
跟手又問，去邊度旅行。hmm...有D野。我都未話我會去旅行。Anyway，照答啦，果然一切好順利。我覺得，係老豆通水同佢打左底。否則就係佢都覺得我過去兩年安份守己好有問題。
阿媽唔發癲一回事，當然都吟左句，人地搵份工咁難，你又走去辭職。點知老豆突然出招：「挑，佢木蚤都唔使養隻，怕咩。」頂，點解要係木蚤？笑左。
2010年2月8日星期一
2010年2月4日星期四
2010年2月3日星期三
2010年2月1日星期一
突然敲定
只係響google打左幾隻字，hong kong norway air ticket。然後就買左機票。
其實機票不嬲都係咁買。但係望住個電子confirmation，好迷，明明仲諗緊唔知成唔成行。好唔真實，封野仲要係法文！air france真係有病。去程10/3，飛oslo。回程5/6，berlin返。一個人，三個月，究竟會係點？其實，我有無錢去咁耐？？？
行程仍然待定，不過既然德國返，西伯利亞應該打左柴，雖然我前日先買左本書。睇到你既留言，「不用想，就飛吧！」點解次次都係你搞喊我。
出發啦不要問那風在哪，迎風向前是唯一的方法。今年生日，我會一個人，在地球上某個地方度過。好浪漫呀。係時候聽主題曲。
其實機票不嬲都係咁買。但係望住個電子confirmation，好迷，明明仲諗緊唔知成唔成行。好唔真實，封野仲要係法文！air france真係有病。去程10/3，飛oslo。回程5/6，berlin返。一個人，三個月，究竟會係點？其實，我有無錢去咁耐？？？
行程仍然待定，不過既然德國返，西伯利亞應該打左柴，雖然我前日先買左本書。睇到你既留言，「不用想，就飛吧！」點解次次都係你搞喊我。
出發啦不要問那風在哪，迎風向前是唯一的方法。今年生日，我會一個人，在地球上某個地方度過。好浪漫呀。係時候聽主題曲。
訂閱：
文章 (Atom)