唔係好知點序

究竟出走呢個念頭係點走出黎？我都唔係好知。大概係經過幾番蘊釀，突然就覺得天時地利人和，非走不可。因為原來仲走得郁，原來仲想走。

究竟會出走去邊，出走幾耐，我都唔係好知。大概係北歐，俄羅斯，屈番落北京，唔知可唔可以去埋上海世博。亦唔排除突然轉戰唔知邊樹。但重點係，非久不可。因為做左幾廿年人，係時候清清靜靜同自己算算帳。

結果會點？我都唔係好知。大概返黎都係人一個。好彩既話應該都唔會斷手斷腳甩頭甩髻，然後繼續做港女。