等

好想最後一晚睇多次北極光，熄剩盞床頭燈，坐響窗前，摸黑咬住舊豬扒骨。

原來等既感覺可以咁平靜。唔知係因為覺得盡左力，還是根本無得盡力。

真係再睇多兩次，不過係好弱個隻，先知原來前晚個次並唔係必然。

平靜中諗起你。又諗起曾經不下一次旅行既時候，心裡面帶著另一個人。先知原來自己唔同左。

唔知呢晚會唔會有人響另一度睇到一次好勁既北極光。唔知以後既冬天，會唔會諗起響地球既呢邊，可能有人睇緊好靚既北極光。

如果有日我好有錢，我會想響度起間玻璃屋，每年黎等一次北極光。發夢。

今日個task係黃昏玩雪橇狗。以前以為呢個活動都幾虐畜，但原來D雪橇喪既。一黎未企穩就衝，要硬落重brake先肯停。然後趁你唔為意又起跑，差D又俾佢成架雪橇車走左去。

hea足三日，希望落到瑞典可以玩多D，唔使再迫我上網訂野黐住部電腦。我唔係黎玩電腦架。